麥明詩箍牙無阻拍吻戲

王君馨（Grace）及麥明詩昨日出席新劇開鏡儀式，Grace表示近日拍劇經常凌晨開工，休息時間僅得個半鐘。老公可會詐型？她說︰「佢半夜11點仲不斷同我講嘢，都唔畀我瞓。（佢唔體諒你？）體諒嘅，有晚佢半夜三點幾先收工，開始融入香港人嘅生活囉。」

另外，最近開始箍牙的Louisa稱，雖已習慣說話及進食，不過卻因吃少了而消瘦，她笑言︰「係有少少箍住唔舒服，但唔影響打茄輪就OK！（有咀戲？）未知呀！未出晒劇本。」問到會否想搵個對象練習咀嘴？她即扯開話題，指君馨在劇中都有不少激情場面。Grace表示要跟莊思明咀嘴，獻出第一次「sheshe」之吻，她形容心情有點緊張，又說想錫Louisa這位十優美女。