惠英紅唔抗拒拍三級片

從影多年來拍過無數武打動作片的惠英紅（小紅），前晚出席新片《MRS K》首映禮，除了有份演出的任達華、劉永之外，容祖兒和蔡卓妍也到來捧場。

前晚惠英紅受訪時，提到早前實牙實齒表示拍完《MRS K》就不再拍武打片，她說︰「我怕愈拍愈差，想留低最好嘅回憶。」在旁的任達華謂小紅可以拍愛情故事，還主動提出做導演，要小紅扮雛妓老闆，同樣性感在骨子裏。小紅笑言︰「識我嘅人都知我夠騷啦，要我三點畢露就要畀時間我操（身材），我依家未應承㗎，我要睇咗劇本先。」小紅不諱言拍武打片見好就收，至於票房就不去理了。不過華哥坦言小紅不再拍武打片的確是觀眾損失，又說要做她的接班人。

劉永和黎燕珊分開多年，離婚後一對仔女都是跟媽媽，最近阿珊接受訪問，指兒子德權赴英國升讀大學，劉永只是給一封利市就算。前晚劉永無奈表示︰「我只係綠葉，我都想畀封大利市，但係我嘅（經濟）能力……」

劉永自責無人氣

當年紅遍電視界的他歎喟，今時今日在內地好多人都不知他是誰。「我都想搵架飛機送個仔去英國，買間別墅畀佢。（前妻咁講有無唔開心？）勤奮啲囉，爸爸無用，自己都要努力，依家我都係用長者優惠咋。」

採訪︰Pauline

攝影︰林良明

編輯︰林梓添

設計︰梁政敏