G.E.M.當眾拒絕 西裝男求婚

鄧紫棋（G.E.M.）一連三場的香港站演唱會前晚圓滿結束，在首場時送花的西裝男，認真「好頭好尾」，在尾場再次獻花兼送戒指求婚，但遭G.E.M.請食檸檬。

前晚當西裝男捧着大紮紅白玫瑰出現，G.E.M.反問他︰「點呀？你係第一晚求婚嗰個喎，想第二次求婚呀？我標冷汗呀，不如畀支咪你吖！」西裝男當眾大讚G.E.M.坦誠、率真，但有些倔強。而當G.E.M.禮貌地收下鮮花之際，西裝男突然掏出一隻戒指求婚，令她嚇了一跳，她立即說︰「希望你將來會搵到呢隻戒指嘅女主人，我真心祝福你！」

完騷後，問G.E.M.為何不答應對方求婚？她笑謂︰「我唔識佢喎！睇到嗰陣都好錯愕。」問到若男友向她求婚又如何？G.E.M.坦承恨嫁，說如果男友真的求婚，一定會認真考慮。

台上感觸落淚

另外，提到G.E.M.在台上哭了幾次，她承認很感觸。「前兩晚都係一度落淚，今晚唔知咩事。」提到她整晚高呼多次「Hong Kong」是否有特別意思？她坦言那一刻想到就講，不過每叫一次，Fans就有反應，令她更加興奮。

撰文︰Pauline

編輯︰林梓添

設計︰梁政敏