傳舊愛城城做老竇 熊黛林拒送祝福

熊黛林（Lynn）、關之琳（之之）及何超盈等前晚出席時裝品牌的中環街頭派對「MOISELLE STOP THE TRAFFIC」，婚後積極造人的Lynn，至今仍未有聲氣，反而舊愛郭富城已榮升爸爸，不過Lynn就坦言無必要祝賀對方。

熊黛林前晚甫現身隨即被追問肚皮可有好消息？她笑言︰「畀啲時間我哋啦，總之順其自然。（係咪要生四個？）無啦，邊度趕得切，我哋時刻努力、時刻準備。」對於有傳舊愛郭富城做爸爸，Lynn聞言即緊張表示沒有收到消息，也不會八卦去問，那她會否跟對方講恭喜？Lynn立刻收起笑容︰「我諗唔會喇，無咁嘅需要囉！」

老公介意夥拍半裸男模

她透露最近與老公郭可頌忙於籌辦運動服裝生意開張，又稱會與老公拍住上做廣告模特兒︰「因為佢都唔畀我同男model影，我哋男裝無上衣，所以啲男model要赤裸上身着短褲咁影，可能佢唔係咁鍾意。」

另外，關之琳已第三次為品牌做設計，概念來自印第安人，她說︰「我乜嘢都夠膽試，今次因自己鍾意滑雪，所以會加入一啲羽絨褸。」

撰文︰Pauline

編輯：林梓添

設計：梁政敏