毛舜筠升呢做法國藍帶大廚

毛舜筠（毛毛）年前飛往法國進修藍帶廚藝文憑課程，其後因返無綫拍《八時入席》而暫時停學，今年11月她將會再到法國完成課程，正式成為頂級廚師。

毛毛前晚出席新書發布會，她表示剛在加拿大出席大女區令山大學畢業典禮，不過女兒畢業後，已決定繼續攻讀多一個學位才返港。毛毛又稱上次女兒在港時，自己還未讀第二個藍帶廚藝文憑課程，但是每次親自下廚，都獲女兒激讚。

唔敢同鼎爺比較

毛毛透露年底前將在法國花六星期完成第三個廚藝文憑課程，她興奮表示︰「到時應該拎到個章，有個文憑證明我完成咗佢嘅廚藝最高級課程。（計劃開餐廳？）依家開餐廳好辛苦，我個人其實無乜特別大計，每樣嘢都有個right timing。當然我自己都做緊一啲嘢，我覺得會喺right timing先講畀大家聽，目前未係宣布嘅時候。（同鼎爺打對台？）哈哈，唔會打對台，佢好勁㗎！佢喺藝人入面真係識煮嘢嘅廚師，我好尊重廚師。」

藍帶廚藝學院小知識

「法國藍帶」是世界最大的廚藝學校，由多名米芝蓮酒店大廚教授廚藝，在九個月內可以修畢全球廚藝餐飲界皆認可的證書。

撰文︰Pauline

編輯︰林梓添

設計︰K