蔡一傑與安仔廁所高歌

蔡一傑相隔14年再推出個人專輯，為隆重其事，特別邀請相識30年的好友許志安合唱其中一曲《男藍》。

拍攝MV期間，安仔自爆最初在傑仔屋企的廁所試音，安仔邊笑邊說︰「當日我喺佢屋企食飯，然後我哋就入廁所試唱，鍾意廁所唱歌有回音。但其實當時我好驚，嘩！兩個男人閂埋廁所門，喺裏面大嗌喎！我驚傑仔嘅家傭姐姐聽到會嚇到報警。」傑仔憶起都忍不住大笑。