鴻星新副綫 中西融和非常味

鴻星集團又有新line登場！「星薈」坐落於尖沙咀天文台道8號頂層，走高級食府路綫，裝修雅致開揚，以淺紫色調為主，落地玻璃設計更設有戶外露台，奉送270度維港景色。

菜式方面，由鴻星得獎名廚精心主理，以粵菜為本，融入多國新鮮食材，創出一系列新派美饌。像鵝肝醬蟹燜麵，採用1斤半至2斤的法國睡蟹，先拆膏燜伊麵，蟹身走油後，加入自家製的鵝肝醬爆炒，撈埋伊麵一齊食，啖啖都鮮香濃郁。又如過橋鮮蝦象拔蚌雞湯，大廚選用南韓象拔蚌，雖然體型細小，但肉質也比大型的象拔蚌更鮮嫩甜美；上枱時，侍應會即席堂弄，以鮮蝦雞湯焯熟象拔蚌，咬落清爽，超級鮮甜。

破格雞尾酒

新店一隅設有型格雞尾酒吧，大玩中西fusion cocktail，調酒師自家炮製多款特色調酒糖漿，例如人參味、杞子味、香片茶味、陳皮味等，賣相和味道皆有驚喜。好像一款叫The Vase的雞尾酒，真以花樽當酒杯，材料有白冧酒、菠蘿甜果漿、杞子及紅椒粒糖漿、青檸及蘋果汁，味道好fresh，且甜甜的好易入口，女生都like。

星薈

地址︰尖沙咀天文台道8號21樓

電話︰2628 0282

平均消費︰午市$150、晚市$300

編輯：余敏

設計：招潤洪