紅館騷尾場 克勤感激校長做貴人

李克勤在紅館的一連9場《李克勤慶祝成立30周年演唱會》前晚尾場，好友兼多年拍檔校長譚詠麟（阿倫）擔任壓軸嘉賓，二人在台上大講有味笑話之餘，克勤視校長為人生中的貴人。

克勤介紹校長出場時，兩人一紅一藍十分搶眼，克勤還以聲色藝俱全、樣靚、身材魁梧及受到萬千寵愛形容校長，他說︰「唯一缺點係有時故意唔記得歌詞。如果每個人人生都會有個貴人，我嗰個就係佢！」

慶功宴上，克勤說要感激阿倫擔任嘉賓，對方事前主動提出想早一日綵排，令他嚇了一跳。提到獻唱最後一首歌時不禁落淚，克勤坦言︰「演唱會做咗好多次，但當再一次見到呢個畫面，係會好唔捨得，歌迷又跟咗我咁多年，係感動嘅。」

徐濠縈更連續五晚來捧場，克勤表示多謝對方︰「我知佢鍾意我啲歌，同埋我哋以前都係藝能嘅，當然佢梗係鍾意Eason（陳奕迅）啲歌多啲啦，呢樣唔使問。」完成個唱後，克勤表示將會與太太盧淑儀及阿倫打羽毛球。

做導演拍愛情小品

提到克勤即將當導演拍電影，更表示老闆楊受成未有提及成本上限，他希望參與劇本創作，拍攝一套有香港特色的溫馨愛情小品。問到角色人選？他坦言完全未諗，不過想專注做導演，可能只會客串做路人甲。至於可會叫太太客串？他說︰「唔會啦，呢啲唔關佢事，係我送畀自己嘅50歲生日禮物。」

撰文︰Pauline

編輯：林梓添

設計：梁政敏