祖兒預告年尾無獎攞

《IFPI香港唱片銷量大獎2016》昨日在尖沙咀一間酒店舉行，容祖兒繼續成為大贏家，連合唱歌曲合共奪得五個獎，英皇橫掃16個獎成為最好成績的唱片公司，其次是奪七個獎的星夢娛樂。不過今年未有新歌推出的祖兒，則預計在年底的音樂頒獎禮將不會有歌曲獎。

祖兒繼續成為頒獎禮大贏家，分別奪得︰十大銷量廣東唱片、十大銷量國語唱片、全年最高銷量本地女歌手、十大銷量本地歌手，以及與李克勤一同奪得最暢銷本地現場錄製音像出品及全年最高銷量本地現場錄製音像出品，合共五個獎項。

祖兒表示多謝大家支持，問到是否為年底的頒獎禮注下強心針？祖兒卻稱︰「其實我今年無歌，即使我出席，都係純粹支持。我仲等緊歌詞，都會出歌嘅，不過唔係諗住要去爭第一嘅心態，我會好開心去戥我啲朋友攞獎。」她笑言預早講定未必出席頒獎禮，免得到時又被追問。

唔介意獎項斷纜

當問到某些連任多次的獎項，今年豈不是有機會斷纜？祖兒說︰「首先我又唔覺得連任係必然，亦都唔係一個健康現象，如果樂壇有一啲更好、更值得攞獎嘅（歌手），咁佢哋得獎我都會好高興。」有人認為，她的人生階段最重要應該是結婚，她表示︰「諗下先啦，呢啲嘢又唔係must嘅！」她又暗示男友劉浩龍未求婚。

早前她與蔡卓妍（阿Sa）去杜拜旅行，祖兒坦承曾與阿Sa傾過她的新男友石恆聰。「最緊要係我睇到嘅佢（阿Sa）係好容光煥發，仲見到佢哋成日玩視像，（阿Sa有無介紹佢男友畀你識？）已經識咗啦，我哋係閨密嘛！」

採訪︰Pauline

編輯：林梓添

設計：梁政敏