翠如新劇連環咀 蕭正楠唔呷醋

早前播映完的劇集《超時空男臣》前晚在尖沙咀舉行祝捷會，即場公布結局周平均收視達30.4點，最高收視達34點。幾位主角蕭正楠、曹永廉、田蕊妮等都期待開續集。

當晚祝捷會由蕭正楠、曹永廉、田蕊妮及監製羅永賢夾份請客。劇集盛傳開拍續集，更會加入黃翠如，由現代玩到明朝，不過幾位主角指仍未收到消息，曹永廉說︰「未有咁快，佢（蕭正楠）又咁忙，監製又有劇開，希望將來可以原班陣容，加埋阿嫂（黃翠如）一齊拍啦。」

託大家照顧女友

翠如在新劇《使徒行者2》中有連場咀戲，對手更是周柏豪和袁偉豪兩位型男，身為男友的阿蕭說︰「我有睇宣傳片，周柏豪同袁偉豪都咁靚仔！（佢叫你一定要睇。）我會睇，不過就飛去第二度睇，因為嚟緊個幾月都要飛，要去意大利同Do姐（鄭裕玲）拍《Do姐去Shopping》，所以有一段時間唔喺香港。」

問到阿蕭可有酸溜溜感覺？他立刻帶笑表示︰「我都有同蝦頭、阿田咀，唔輸蝕㗎！」此時曹永廉笑指阿蕭有牙周病，阿蕭反擊稱阿廉有口臭，十分搞笑。阿蕭更拜託大家幫手照顧翠如，又趁機嘲笑老友︰「順便幫我照顧埋呢個弱智二弟啦！」

撰文︰Pauline

攝影︰林良明

編輯︰林梓添

設計︰梁政敏