蘇志威撑大女追夢

蘇志威昨日帶現年10歲的細女靖珺出席慈善活動。提到現年18歲的大女君蕎，蘇老闆指大女為圓做甜品師傅的夢想，經全家商議後，決定放棄升大學，專心學造甜品。「囡囡13歲起已經跟師傅學，依家喺五星級酒店學師，出年會去日本深造。」他表示是大女主動提出不想升學，「太太有同囡囡傾，叫佢唔想讀都要考好個試，完成中學學業，最後佢考到20幾分，夠分升大學。」他自言是女兒的最大後盾，「我同佢講，佢最大優勢係無經濟壓力，同埋唔使同父母交代，只要專心追尋夢想就得。」