志偉批今屆港姐：慘不忍睹！

曾志偉昨早飛往北京準備到內蒙拍攝「古惑仔」系列電影《黃金兄弟》。今屆港姐在爭議聲中誕生，今年沒有做司儀的志偉亦有留意，他形容︰慘不忍睹！志偉說︰「其實港姐參差每年也有，有時一年靚到不得了，有時覺得好差，但節目水準才最重要，尤其今年是港姐45周年，卻變成一個為big big channel做嘅廣告節目，失去咗向港姐致敬嘅意義，依家致敬嘅竟然係big big channel。以我做過咁多年港姐，睇到好唔舒服！」對今年賽制受質疑，志偉坦言有問題，他認為還原基本步是最好，全世界選美都是由幾位最有品味的評判來評選，大家都會信服，不應該評判與導師身份重疊，因為佳麗嘅導師自然會有私心。

提到鄭裕玲（嘟姐）連投兩票遭網民狂插，有人認為她被擺上枱，志偉認同︰「嘟姐好慘，覺得佢有少少無奈，嘟姐可能已知賽果，但臨時臨急叫佢點講呢？如果我做嘟姐，都唔知點做好。」