生日會唔見壽星 胡定欣為甩底道歉

將於本周六生日的胡定欣，日前一班好友陳山聰、林夏薇等為她準備驚喜生日會，壽星女卻以鼻敏感為由甩底，眾好友無奈地幹掉整個蛋糕。昨日定欣出席《同盟》宣傳，也對山聰表示歉意。

《同盟》即將進入結局篇，昨日一眾演員包括胡定欣、陳山聰、姚子羚、張秀文等出席宣傳活動，眾人在爭凳仔遊戲中各出奇招，場面搞笑。此外，山聰自爆原先為胡定欣舉行驚喜生日派對，料不到壽星女竟然因病缺席，他笑言︰「其實當日同薇薇（林夏薇）都唔使拍劇，諗住叫埋定欣出嚟畀個驚喜佢，直到我哋訂晒位、準備好蛋糕，偏偏主角無出現！」

結局篇更催淚

記者笑言可能是定欣佳人有約才甩底，山聰笑稱︰「唔知啦，係嘅話都唔會阻佢。」定欣則一臉不好意思地說︰「畀佢哋鬧爆，我惟有雙倍奉還。（係咪約咗男友？）係就好喇！」

《同盟》日前播出子羚劇中兩個哥哥黃長興和楊證樺被殺，她表示拍這場戲時，喊到整個人崩潰，她還透露之後會與劇中爸爸郭鋒生離死別。定欣則透露往後劇情會揭發人性真面目︰「原本以為忠，原來係奸，有啲人喺你面前好好地，背後就插你一刀。」

採訪︰Pauline

攝影︰林良明

設計︰梁政敏

編輯：黃卉彤