10月細場開騷 陳奕迅拉近樂迷距離

陳奕迅（Eason）昨日在港舉行新碟發布會，未來幾個月將全力重投音樂事業，由本月22日開始到年底，將會巡迴全球18個地區展開《Eason saya C'mon in tour》音樂會，香港站是唯一唱兩場的城市，預料勢必掀起炒飛潮。

陳奕迅昨日記招甫出場，唱片公司隨即宣布好消息，國語新碟《C'mon in~》四首新歌《放》、《披風》、《海膽》及《誰來剪月光》已奪亞洲各大傳媒流行榜逾60個冠軍。Eason其後又分享在台灣的錄音過程。「揀去台灣錄音，係因為喺香港就好容易分心，喺台灣最多只係留喺酒店，偶然去食下嘢反而更精神，大家都知陳奕迅啲歌比較（精神）分裂！」

無諗過撲飛問題

日前Eason突然提前結束台灣宣傳行程回港，並戴口罩現身機場。昨日他解釋是有小毛病，笑言與其呆在酒店休息，倒不如提前返港。談到在10月11及12日香港站於旺角麥花臣場館演出，僅得3,000座位，Eason坦言沒有諗過歌迷難以撲飛，事關已盡力爭取在港演出兩場。Eason更說已多年沒有在細場地演出，期待能夠與歌迷拉近距離。

採訪︰Pauline

攝影︰林良明

編輯：林梓添

設計：梁政敏