孫耀威抗拒夫妻檔合唱

孫耀威昨日以嘉賓身份出席《樂壇收兵祭2017》活動，已有一段時間沒參加音樂頒獎禮的他，很高興看到新人湧現，加上有網絡平台這些渠道去宣傳，力證香港樂壇並未萎縮。

孫耀威被問到有何寄語新人？他笑言︰「唔好驚死，去到谷底嘅下一步要反彈，我嘅人生都曾經歷幾個高高低低，最緊要唔好放棄。」問到會否出席年底的頒獎禮？他表示雖然做緊幾首廣東歌，但不會為頒獎禮而刻意加快步伐，不過老孫就力撑老婆陳美詩競逐樂壇女新人。至於與老婆夫妻檔合唱，老孫就表現得有點抗拒︰「成日夫妻檔放閃驚會爆炸，驚大家頂唔順。」不過合演真人騷卻又不排除這個可能，他笑言︰「但我驚我哋會鬧交，我哋日日都頂嘴，驚到時大家以為我哋係好甜蜜，就會幻想破滅。」

另外，連詩雅謂自己做新人時是一嚿飯，但又是最熱血，又指當時怕傳緋聞而不敢與男新人傾偈。鄭融就記得出道當年正值沙士，出席公開場合很緊張。

撰文︰Pauline

編輯︰林梓添

設計︰梁政敏