工作排到明年 周柏豪唔急做老竇

出名是愛車之人的周柏豪，現時擁有三部靚車，最近又心癢癢想添置一部七人車。不過他強調暫時仍未計劃買BB車（生仔），希望事業穩定下來再打算。

周柏豪昨日與自家品牌主角肥貓CATXMAN亮相美心月餅活動，今次他為品牌設計了兩款可愛的中秋限量版環保禮盒，現場所見已有長長人龍排隊等候選購。

想再買七人車

柏豪表示從小父母已教他要廢物利用，當上藝人後，衣服鞋襪往往只穿一次，他覺得丟掉實在太浪費，問到會否舉行二手衫慈善義賣？柏豪稱︰「我會同幾個朋友直接將衣物捐畀有需要的機構或學校，曾經我覺得自己好幸福，經常有禮物收，但係久而久之發覺着唔晒，倒不如捐出去令更多人開心。」他笑言現在最想買車，但又自爆現在已經擁有三部車。問他名下靚車是否都很貴，他解釋︰「其實都好環保，只要保養得好，部車就會減廢，我反而想買一部七人車，方便開工同一家大細外出。」

笑問他幾時添置BB車（生仔）？他笑謂︰「未有耐！家人無催促過我，呢啲要睇緣份，目前最重要做好手頭上嘅嘢，始終剛簽約新公司，有好多機會，我想趁依家好好把握，工作都排到明年喇，所以希望（事業）穩定啲先，帶佢（BB）嚟呢個世界都要負責任嘅。」

採訪︰Pauline

編輯：林梓添

設計：梁政敏