家姐否認馬明年紀大 心穎嫁人唔問歲數

黃心穎與緋聞男友馬國明的感情仍在發展中，早前有報道指心穎的家姐黃心美嫌馬明年紀大，昨天兩姊妹一同出席活動，心美即改口說欣賞馬明，不過又暗串他年近半百，令心穎哭笑不得。

黃心穎和黃心美昨天出席香港電訊的「Google Wifi」活動，兩姊妹在台上表演趣劇，十分搞笑。事後談到心美在台上自爆有男友，她澄清只是照稿讀，笑問會否搵心穎的緋聞男友馬國明幫手裝Wifi？心美即搞笑反問︰「馬明？邊個嚟㗎！（之前傳你唔鍾意馬明年紀大？）黐綫！我曾經高度表揚佢，早排喺活動上見過佢，佢個人很好，對我好尊重，所以我對佢印象幾好，如果佢同心穎真係拍拖，我都會祝福。」

結婚要諗清諗楚

輪到心穎笑指在家中常被家姐打，而且經常被家姐「哦」她執屋。「我間房是黑洞、迷你倉，連房門都唔可以全部打開，要側身入房，睡覺時也要跨過堆雜物才可以上床。」

笑問心美會否想心穎快點嫁人搬出去？心美說︰「佢得28歲，結婚會唔會太早，我當年結婚都係28歲，係一時衝動，人結我又結，真係要諗清楚，個人經驗話我知唔好太快結婚，等腦囟生埋才計劃結婚吧！（但馬明已一把年紀。）嘩！唔係話佢年近半百已很好啦，哈哈！」心穎則重申結婚應順其自然，不用刻意計劃，唔係年齡限制。

採訪︰Pauline

攝影︰林良明

編輯︰林梓添

設計︰李明