夫妻檔拖住吸金 陳柏宇自爆搏命造人

陳柏宇與太太符曉薇（Leanne）昨日以夫妻檔出席活動，Leanne笑言未習慣別人稱呼她做陳太，又爆陳柏宇沒有叫過她做「老婆」︰「我哋以BB做暱稱。」

陳柏宇透露他們已開始努力造人，但不想太大壓力。「Leanne有食葉酸，我就食多啲紅肉，又做多啲運動，激活啲『小朋友』嘅游水同生存能力。」Leanne自言早前為造人，給了老公太多壓力，結果遭對方投訴。

欣宜日日敷Mask

同場的鄭欣宜為新碟轉形象，駁了一頭長金髮。「我鍾意長髮，但之前成日漂髮好傷，所以依家短髮，要出活動先駁長。」踏入30歲的欣宜笑言要努力護膚︰「以前我只用清水洗面，變到依家每日敷兩次面膜，最少20分鐘按摩面部，因為就算人肥都要Keep住尖面。」

撰文︰李潔盈

攝影︰林良明

編輯︰林梓添

設計︰梁政敏