定欣展鵬為新劇逼住復合

陳展鵬、胡定欣昨午齊齊到將軍澳宣傳新劇《同盟》，這對過氣緋聞情侶全程保持距離，男方聲稱拍檔見面不尷尬，女方則暗示雙方僅屬合作夥伴，她說︰「大家鍾意我哋合作就出嚟，只係咁簡單！」

宣傳活動中，司儀要求展鵬及定欣重演劇集預告片中，定欣擒拿展鵬的鏡頭，可惜二人表現勁「Hea」，要勞煩動作指導上台教路。展鵬稱︰「拍完呢套劇大家都好忙，傳媒又一直寫嘢，但我同佢之間啲共同朋友都有一齊出嚟。」提到會否怕港姐女友單文柔見到他與定欣的親熱場面不悅，展鵬稱︰「做演員關女朋友咩事？問番套劇嘅嘢好啲，無謂令大家尷尬。」

至於定欣則說︰「希望大家注意我哋劇中表現，花邊新聞就擺花槽邊。」此外，現時展鵬與單文柔感情穩定，記者問定欣可覺拍檔被搶？她回應︰「其實我哋都只係工作，大家鍾意我哋合作就出嚟，只係咁簡單。」定欣並強調緋聞沒影響二人關係。

撰文︰Steven

編輯︰黃卉彤

設計︰梁政敏