恨情侶檔出騷 陳凱琳煮雞賀嘉穎牛一

陳凱琳（Grace）昨日到觀塘出席炸雞快餐店活動，穿上低胸Deep V露腰裙現身，十分吸睛。提到男友鄭嘉穎快將生日，Grace甜絲絲指想學烹飪，炮製雞類菜式為男友賀壽︰「因為佢屬雞，今年又係雞年！」

提到鄭嘉穎之前是該快餐店宣傳大使，今次陳凱琳接男友棒出席活動，她笑言恨情侶檔出騷拍劇，可寓工作於拍拖。Grace表示：「希望將來多啲機會（同男友）合作，做咩產品都無所謂，最緊要正面！上次我哋拍《殭》，嘉穎同謝安琪係一對，朋友話如果我同嘉穎演情侶的話會仲Sweet，不過世事無咁完美，過程開心就得。」

想畀男友驚喜

嘉穎將於下月48歲生日，陳凱琳笑說︰「諗禮物諗到我頭都暈，因為佢自己有能力買想要嘅嘢。（人肉速遞慶生？）最好到時佢唔喺香港，我就有借口畀驚喜佢！」早前嘉穎在佛山拍戲，她也有抽空探班。「男友拍動作鏡頭整傷少少，我都好擔心佢。（錫番男友？）佢識照顧自己啦。」

採訪︰李潔盈

編輯︰林梓添

設計︰梁政敏