麥明詩笑認 前度對她最沉迷

中學文憑試DSE前日放榜，六名新出爐的「狀元」均表示入大學會選醫科，畢業於牛津大學的林作在facebook狠批學生們只是「思想狹隘（narrow-minded）」的讀書機器，將來難有大成就。舊愛麥明詩則說哥哥都是醫生，更明白在現今香港大環境下，大學生選科時無可避免受現實生活掣肘。

麥明詩和「籃球界陳妍希」方詠琳昨日出席一個動漫電玩節傳媒預覽活動，二人更即場試玩新game。麥明詩受訪時被問到讀書時可有沉迷打機？她笑言會趁媽咪上班時與哥哥偷偷玩一陣，不過升讀中四、中五之後，由於要應付會考，所以較少接觸遊戲機。

當年會考奪十優佳績的她，是否不贊成沉迷電玩？她說打機和讀書之間，兩者最好能取得平衡。問到以往的男友是否都不會沉迷打機？她笑言︰「好彩無！就算拍緊拖都唔會掛住打機。（剩係對你沉迷？）都係。」

選科受社會掣肘

提到日前林作批評應屆DSE考生均選修醫科為大學的本科，麥明詩聞言後笑謂︰「我哥哥都係做醫生，自己都揀咗法律，事實上香港環境會令大家諗嘢單向，生活係艱難，就算有高薪厚職都唔係咁易買樓，更何況追求做哲學家或其他職業，始終有現實考慮，我明白佢嘅意思，多元化對社會更好，但始終有現實掣肘，搵安穩同高人工嘅工作係無可厚非。」麥明詩又笑言︰「可能傳統『三師』工作搵到錢，但隨住時代轉變、科技發達令到本身高人工職業被科技取代。」

採訪、攝影︰Pauline

編輯：黃卉彤

設計：Ｋ