偕媽咪拍理財廣告 千嬅聽真心話眼濕濕

楊千嬅最近為Citibank拍攝理財廣告，今次更出動楊媽媽首次以母女檔上陣，片段中不乏真情流露的感動時刻。千嬅提到以往經常因小事與媽媽鬥嘴，反而媽媽現在讚千嬅是個100分媽咪。千嬅說到此，不禁眼泛淚光。

片段中，千嬅和媽媽都分享了拍廣告時的感受，楊媽媽透露每日都有為女兒剪報，最開心是女兒封影后及奪「最受歡迎女歌星」的威水時刻，說時更感動落淚，望着大銀幕的千嬅亦感動得眼紅紅。

入行至今儲剪報逾50本

千嬅表示入行以來甚少帶父母一齊工作，今次是希望展現兩代媽咪的家庭計劃。她在記招上提到，早前拍內地真人騷《極速前進2》遭鬥牛撞傷，令她認為應好好分配財富。她又謂媽媽在廣告中說了一些深情說話，但從未當面跟她講過，令她相當感動。

提到兩母女間中也有拗撬，千嬅自爆對兒子Torres的管教方式跟上一代不同，她說︰「我一直以為佢（媽媽）唔認同我嘅湊仔方法，估唔到佢竟然讚我係100分媽咪。」一向孝順的千嬅衷心希望媽媽永遠開開心心，她又笑言自入行後，媽媽都逐一將她的剪報儲起，至今已儲了超過50本，「不過好多都係緋聞，我叫佢唔好剪呢啲啦，佢又話張相影得靚喎。」

千嬅有意送兒子留學

此外，千嬅計劃五年後開健康中心，她認為長者和小朋友應該有悉心的照顧方法，甚至着重湯水食療。而千嬅希望可以生多一個，並打算將來送兒子Torres出國留學，她說︰「我都唔係有錢人出身，以前都做過暑期工，在乎點樣教育（下一代）、點養嘅啫！」

採訪︰Pauline

攝影︰林良明

編輯：陳禮恒

設計：梁政敏