「龍」情化不開 祖兒似Cream黐實男友

將於明天踏入37歲的容祖兒，前晚在香港仔珍寶海鮮舫拍廣告，她表示今年不想大搞慶祝活動，甚至沒期待男友劉浩龍送上甚麼心意。同場的林奕匡（Phil）則遞上壽包預祝偶像生日。

容祖兒再次為百老匯拍攝全新一輯廣告，前晚她以女王造型現身，《九五至尊》的江華再次扮皇帝，與祖兒上演「King & Queen」。問祖兒在男友心目中是否也是Queen？祖兒講爛Gag笑謂︰「係Cream！（代表黐住男友？）唔講呢啲啦，你哋唔骨痹，我都覺得肉麻。」

雖然男友不在場，但祖兒卻對「龍」情有獨鍾，她興高采烈地走到海鮮舫門外與「巨龍」合照。受訪時，問她是否已收到男友送生日禮物？祖兒直言︰「無，無囉！（好大怨氣？）無怨氣！（如果男友唔送禮物嬲唔嬲？）無乜嘢，我都經常冇送畀佢。」

林奕匡送壽包

祖兒稱拍攝工作因8號風球順延一晚開工，部分外景亦受影響。有份參與拍攝的林奕匡，自認是祖兒的超級粉絲，當晚準備了壽包預祝偶像生日，祖兒笑指阿Phil見到她時，即忍不住給她看同Super Girls的Aka合製了一條驚喜短片，送給她做生日禮物。祖兒笑言︰「佢叫唔同地方嘅朋友唱生日歌，然後剪輯好，非常夠心思。」

撰文︰Pauline

編輯：陳禮恒

設計：K