君如無懼恐襲 暑假舉家遊英

吳君如昨日現身公開活動，她透露暑假將會一家人和父母到英國旅行，但礙於當地早前發生恐怖襲擊，君如笑言每到一個名勝景點都會化身快閃黨，而且生死有命，她也不會擔心太多。

君如昨日以大使身份出席「第一屆兒童國際電影節」，她在台上表示跟陳可辛都是電影人，所以女兒陳是知沒理由少接觸電影，「我哋成日一齊睇電影，好過佢成日攞住部電話，我同佢睇電影之多，可以話係家長中之最。」不過君如表示不會刻意為女兒過濾某些電影，但若果有些情節不適合小朋友觀看，她會即時叫停。

君如又指女兒剛考完試，九月將升讀中一，而暑假將會一家三口與父母及弟弟等前往英國倫敦旅行，但由於當地近日發生多宗恐襲，君如都有慎重考慮過會否更改行程。「其實我哋依家都只係wait緊機票，如果wait到就一定去，最多去啲名勝景點時一落車影完相就上番車，好似快閃黨咁，不過生死有命，我又唔係太擔心。」

爆女兒有6個社交帳號

另外，君如透露女兒跟時下年輕人一樣喜歡玩IG及FB，而且經常要求君如like她的動態︰「佢成日拍片，咁我就叫佢同啲同學一齊拍，剪好後放上網，我話你要呃like先要呃到我like，跟住我買咗啲like嘅印仔蓋畀佢，儲夠100個就有獎勵。」君如更大爆女兒有六個社交網站帳號，而且都有加她做朋友，問她女兒是否揀「乾淨」的帳號才加她，君如表示︰「咁我又信佢，網絡世界咁大，佢要接觸到嘅嘢一定接觸到。」

採訪︰倪小珊

編輯︰林梓添

設計︰招潤洪