球迷變車癡 克勤自爆瞞家人越洋買古董車

李克勤喜歡足球人盡皆知，原來他也是一名車迷，更為了心愛的甲蟲車，不惜花20萬從英國訂購一部古董甲蟲車運來香港。以往對他任性地購物有微言的太太盧淑儀竟沒有出聲，反而爸爸認為他太衝動。

李克勤昨日到商台宣傳新碟及九月的紅館騷，提到新碟內其中一首歌《五十路》講述一架甲蟲車，令他憶起過去的一件任性往事︰「舊年砌咗架Lego甲蟲車，其實我一直好鍾意甲蟲車，一生人最任性嘅一件事，就係連屋企人都唔知，喺英國訂咗架1968年嘅古董甲蟲車返港，其實只係廿萬左右，估唔到玩玩具玩到買架真車返嚟。」他笑言原本以為只有太太會有微言，料不到反而他爸爸反應更大。慶幸架車抵港後，發現有九成零件都是原廠出產。克勤又提到之前與林子祥食飯時，看到對方有架開篷甲蟲車，已恨到流口水，當阿Lam得知克勤也買了一部甲蟲車後，更約定一齊揸出去影張相威威。

惋惜南華降班

提到香港老牌球會南華自願降班，自小是南華擁躉的克勤也覺得傷心及惋惜，亦令他回想起小時爸爸帶他到大球場睇波的畫面，他希望過一、兩年，愛隊可以重新再來。

撰文︰Pauline

編輯：林梓添

設計：K