杜汶澤撑江若琳搵新男友

由杜汶澤主持的奇妙電視節目《杜汶澤食住上》早前邀請了江若琳（Elanne）擔任嘉賓，二人除了大談內地工作的荒唐事外，阿澤更藉機向Elanne逼供，論盡她的前度男友。

阿澤經常自嘲朋友不多，江若琳是他圈中少有公開讚賞的「義氣仔女」。去年江若琳被揭與內地藝人拍拖，最後分手收場。她坦言︰「我哋有文化差異，價值觀好唔夾，佢唔想我做嘢。但我係一個好鍾意做嘢嘅人，我希望另一半會支持我嘅夢想。」阿澤直認不喜歡她的前度，「你想搵個支持你工作嘅人好易啫，搵個食軟飯嘅咪得囉！你日日出去工作，佢就日日喺屋企打牌。」