新歌剖白母女情 黎瑞恩被囡囡讚到喊

賈思樂（Louie）一連兩晚在尖沙咀文化中心舉行《賈思樂ME & MY GIRLS in Concert 2017》，前晚首場演出的嘉賓有王馨平、黎瑞恩、戚美珍及林漪娸，而羅敏莊更與囡囡陳禛穿母女裝同台演出。

Louie提到30年前華星推出的雜錦碟中，其中《我的心向着你》正是他的作品，前晚再唱出此歌，令他百般滋味在心頭︰「事隔30年，到今年初喺卡拉OK度有位朋友唱呢首歌，我好驚喜，多謝佢唱我嘅歌，點知佢望住我反問︰『呢隻歌賈思樂嘅咩？』，我當時想鍊死佢！」

黎瑞恩（小恩子）表示最近為多個演出擔任嘉賓，她會趁機再次習慣面對觀眾。早前小恩子與泳兒合作一首描述母女情的歌《搖籃曲》，前晚她自爆獲女兒大讚，更抄下歌詞留念。「原來咁樣對佢中文有幫助，因為佢去到外國唔會寫中文。（女兒第一次讚你啲歌？）係呀，佢通常話ok啦，佢之前淨係讚啲韓星嘅歌。」

戚美珍腰患未癒

當年在《蝦仔爹哋》中與Louie飾演夫妻的戚美珍（三嫂）亦有現身，不過三嫂只需上台talk，不用唱歌。問她可會考慮開個唱？三嫂坦言去年有導演朋友找她今年五月初開騷，但因她的腰間盤骨突出而令計劃告吹，「我都拎咗好耐拐杖，最嚴重係企喺度一、兩分鐘一定要坐，坐咗幾分鐘又唔得，要企，好麻煩！」不過現在仍接受物理治療，行山、跑步機都未可以做住，所以要開騷還要看腰患的進度如何。

撰文︰Pauline

編輯︰林梓添

設計︰梁政敏