Yumiko承認多數畀人飛

蔡卓妍（阿Sa）、鍾欣潼（阿嬌）、衛詩雅、鄭希怡及盧巧音等，昨日出席閨密分享愛活動，眾人大談愛情觀。鄭希怡（Yumiko）直言︰「我都無包袱，唔驚老公（梁學儲）話我，佢唔係一個浪漫嘅人，我反而想栽培佢，見到啲浪漫嘢就會拎畀佢睇。」Yumiko笑指老公最浪漫一次就是向她求婚。問到以前是否多數被男友飛？Yumiko帶笑承認，不過她解釋最終都是雙方發現問題而和平分手，再見亦是朋友。

此外，阿Sa被追問擇偶條件？她說︰「我愛佢，佢愛我，講完。隨緣啦！」阿嬌亦贊成最好是兩人互相愛對方，說到兩姊妹想法一致，可曾愛上同一個人？她們異口同聲表示從未試過。至於阿嬌在09年拍攝一部八分鐘實驗短片《0.7％的鹽》，由一人表達微笑到喊的過程，近日有指短片作慈善拍賣，阿嬌笑問是否有錢分，她憶述作品說︰「我已盡力去投入演出。」

攝影︰林良明