何超蓮唔敢再Po性感相

賭王何鴻燊三房千金何超蓮早前大曬比堅尼相，不少網民讚她身材好，不過她自言介意惹來部分負評。昨日出席活動時，表明日後謝絕一切性感相︰「頸以下嗰啲（相）都唔Po！」

昨日超蓮出席「Smile with us HK」活動，向市民大派消暑飲品。早前她往布吉旅行時，大曬性感泳照，她自言此行是為好友慶生，又解釋其三點式正面相是好友放上網，想不到泳照竟惹起網民激烈反應。「我自己Po嗰張得背脊，好健康，但係大家好似覺得我Po裸照咁，我驚媽咪唔開心，難得佢今次無話我。」

無拖拍寄情工作

她坦言不喜歡性感，平時也只愛以男仔頭打扮，又指以後會更保守︰「平時馬天佑（形象指導）叫我着性感少少嘅衫，我都唔制㗎！」另外，提到孖生弟弟何猷啟與外籍女模分手，她笑說︰「我都無拍拖呀，我覺得呢個歲數應該衝事業，做多啲有意思嘅事。」

撰文︰李潔盈

編輯︰林梓添

攝影︰林良明

設計︰梁政敏