黃美棋拒認「童顏巨乳」

黃美棋昨日到商台受訪，身材一向驕人的她，重提初出道時被網民封為「童顏巨乳」，美棋BB坦言當時聽到這稱號感到十分害怕，她說︰「媽咪都覺得點解啲人要講到咁核突，當時都有諗過係咪要紮胸出街，不過媽咪就勸我唔好擺喺心。」她又透露一直都有不少書商邀請她出寫真，但都遭她婉拒︰「我未過到自己嗰關，我啲泳衣連Deep V或三點式都無。（影寫真要前有線主播男友鍾健威批准？）佢成日話叫人搵佢，由佢代我影。」