Twins廣州巡唱慶祝成軍16年

Twins世界巡迴演唱會已經來到第15場，同去年一樣，於5月20日再次到廣州開騷，並慶祝成軍16年。Twins二人既開心又感動，台上再唱《相愛六年》時眼淚已不停流，並公開宣告希望日後還可以有無數的16年。

孖女多次被萬人大合唱感動，阿Sa在台上說︰「阿嬌，我識咗你17年啦！大家一齊工作就16年，多謝你一路以來陪伴住我，我愛你。」阿嬌就忍着淚光對阿Sa說︰「你改變咗我好多，由我鍾意黑白，變到人生愈來愈彩色，愈來愈開心，由唔鍾意講嘢，變到講多咗好多嘢，愈來愈笑多咗，我真係好愛你。」隨後阿Sa承諾會繼續有她們的26及36年，兩人在歌迷起哄下，更咀嘴起來。

演唱會後，阿嬌坦言16年這個數字很感動之外，又覺得時光飛逝，阿Sa還說許多事就似是昨日發生一樣，她們正計畫2018年五月再到紅館開騷。