阿Sam阿倫「騷」 湧現炒飛潮

兩位樂壇大哥大許冠傑（Sam）和譚詠麟曾各自在紅館開過無數次個人演唱會，今年兩人決定同台開騷，定於8月12至18日假紅館舉行七場演唱會。昨日在記者會上，兩人更大展歌喉互唱對方經典金曲，不過門票未開售，網上已有人把$880門票炒高至$1,500，價錢令人咋舌。

阿Sam和阿倫今次演唱會的海報由阿Sam揸電單車，而阿倫則坐在司機位旁。司儀笑問阿倫是否坐得入？阿倫打趣說︰「座位梗係加闊咗啦！」他又表示阿Sam是自己多年來唯一的偶像，今次能同台演出實在很高興。而阿Sam則表示欣賞阿倫的《霧之戀》和《愛的根源》。

事後兩人一齊受訪，問到向來唱歌愛睇「貓紙」的阿倫可會記得所有歌詞？他騎騎笑謂︰「唔需要記！你梗係新嚟！」門票將於6月2日公開發售，不過阿倫已聞有人炒黃牛飛，炒價高逾一倍，為此他呼籲歌迷不要買黃牛飛。那他們會否加場以滿足歌迷？阿倫說加場都不會太多，阿Sam則說最多只能開十場。

泰國買歌衫布料

服裝方面，貪靚的阿Sam表示早前已在泰國買了大量靚布料回來，只是頭痛設計甚麼款式的衫，記者笑問他們可要減肥？阿Sam說不用刻意減，到時就會每晚瘦三磅。有指阿Sam喜歡豹紋衫，阿倫自言︰「咁我着虎囉，虎豹別墅咁出嚟！哈哈。」談到阿Sam的歌迷好熱情，以往開騷每晚都獲大批歌迷獻吻，阿倫笑謂︰「今次我同佢分擔下，留番男歌迷錫佢，我就畀女歌迷錫啦。」阿Sam聞言後點頭表示接納阿倫意見，還說最緊要好玩，十分搞笑。

採訪︰Pauline

編輯︰林梓添

設計︰梁政敏