克勤出馬梁榮忠重現無綫

李克勤、梁榮忠相識廿多年，兩人曾在無綫合作無間，克勤昨日返回母校香港華仁書院拍攝校園騷，亦主動搵忠仔客串現身。

李克勤入行30年，將於9月在紅館開個唱，昨日他在母校為《李克勤30周年演唱會校園Live》綵排，他在師弟的鋼琴伴奏下唱出《我不會唱歌》。

克勤承認今次點名想梁榮忠參與節目，不過從中層到高層要過關斬將，他解釋︰「梁榮忠好耐無喺無綫出現，我同余詠珊講，佢話等等先，最後都覆我OK。」克勤是否想為忠仔打通關係？他笑謂︰「我只係打通咗個電話咋，睇下梁榮忠得唔得閒喺我嘅演唱會幫手，可以幫手度嘢，唔好唱歌就得。」

拆解「失忠」之謎

忠仔離開TVB多年，他在活動上為自己解開失蹤之謎，他說︰「其實我去咗做旅遊達人，我想好似80年代嘅編劇走去法國寫劇本，我想呢度去、嗰度去，寫下劇本。」問到今次是否克勤點名為他安排重返TVB？忠仔認真表示︰「今年係我同克勤合作25周年，只要係『克勤』呢個名我都會到。（幫手做演唱會嘉賓？）既然克勤唔畀我唱歌，咁我跳舞囉！」

撰文︰Pauline

編輯：陳禮恒

設計：梁政敏