阿Sa出錢供堂妹留學

獨生女的蔡卓妍（阿Sa）多年來一直侍母至孝，卻原來近年更供堂妹赴英國進修美術。阿Sa努力搵錢，就連拍拖也暫時不去諗，一於以家庭為大前提。

阿Sa昨日出席手袋品牌活動時，被問到平日會否買手袋送贈媽咪？她笑言︰「係呀，好多時都會同媽咪共用手袋飾物，不過媽咪比較樸素，有時會嫌啲款太潮，佢最鍾意我出席完活動大會送畀我嘅禮物，覺得唔使花錢嘛。」不過，吸金能力強的阿Sa，卻呻每月開支都很大，「最近供埋堂妹去英國進修美術，每年都要供50萬㗎。我無兄弟姊妹，堂妹又鍾意畫畫，希望佢讀得開心同見識多啲，係咪讀得叻都唔緊要。」

阿Sa不諱言小時家境清貧，父母無能力供她到外國留學，現在算是賺到錢就一圓堂妹心願。今年已35歲的阿Sa，身邊好友都希望她搵到好歸宿，阿Sa說只想努力賺錢，令家人的生活過得舒適。

衛詩雅緊張到失眠

衛詩雅最近身體不適，前幾日還失聲。昨日出席活動時提到與黃秋生主演的新片《失眠》今日開畫，衛詩雅坦言連日來心情緊張到真的失眠，每日都會望住售票情況，她已計劃今日從傍晚到深夜，走訪多間戲院觀察成績。

另外，同場還有懷孕五個月的楊洛婷和老公、Dear Jane成員Tim現身，自爆懷孕後上圍連升幾cup的她，笑言已停止換新胸圍︰「等遲多一、兩個月身材穩定咗再買。」

採訪︰Pauline

編輯︰林梓添

設計︰K