舊愛杏兒宣布有喜 黃宗澤祝三年抱兩

胡杏兒日前公布陀B喜訊，除了「胡說八道」一班姊妹爭相認做BB契媽，舊愛黃宗澤（Bosco）也隔空送上祝福，不過他坦承至今仍未親自恭喜對方。

黃宗澤昨日出席邵氏與優酷網的合拍劇《飛虎極戰》開鏡拜神，談到舊愛胡杏兒宣布有喜，他也送上祝福︰「希望BB快高長大，如果想生就快啲三年抱兩。」問到他幾時迎頭趕上？他表示剛剛知道，問他可有send信息恭喜杏兒？他笑笑口謂︰「仲未呀，真係要認衰！」

智雯否認秘婚

當黃智雯講到好姊妹胡杏兒有喜，身為細契媽的她也替好姊妹開心︰「因為佢一直都好想有小朋友。（你恨生BB嗎？）恨唔嚟，依家當杏兒個BB係我哋嘅小朋友，大家輪住錫佢。」講到近日有傳她與男友秘密拉埋天窗，智雯連忙否認︰「依家仲係一對好穩定嘅情侶。（姚子羚爆你工作到八月就有期結婚？）我自己都唔知工作安排到幾時，可能係佢哋聲東擊西呢，不過大家都希望向住呢個方向。」

此外，王敏奕（Venus）在劇中飾演唯一飛虎女隊員，因此要操練肌肉，問會否擔心比男友曾國祥更健碩？她笑說︰「好難大隻過佢，fit過佢就得。」Venus在劇中與Bosco有感情戲，問男友是否放心？Venus承認男友對自己很有信心。

撰文︰Pauline

編輯︰林梓添

設計︰梁政敏