楊思琦三代同堂 賀母親節

後日就是母親節，楊思琦、麥潔文（Kitman）、黃淑儀等幾位媽咪昨日到黃大仙向市民派花，向一眾媽咪提早送上祝福。已為人母的思琦更收到女兒送上的禮物，令她感到窩心之餘，也覺得五歲大的囡囡已開始懂事。

自從女兒楊卓穎出世後，思琦對母親節感受更深，她透露當天會三代同堂食飯慶祝︰「媽媽湊大我已經好辛苦，依家仲要幫我湊埋個女，大家齊齊整整就好開心。」問到準備了甚麼禮物？思琦表示會花心思給媽媽驚喜，而這份禮物都是她喜歡的。對於可會期待卓穎送畫給她？思琦表示︰「以前細個可能送嘅母親節禮物都係學校嘅勞作，不過今年就好特別，最近佢整咗一個花嘅擺設送畀我，唔理靚唔靚，嗰份心意同意義先最重要。」思琦沒透露可有感動到喊，但就覺得女兒開始懂事感到安慰。

麥潔文丁父憂

麥潔文父親在本月初病逝，Kitman表示喪禮事宜將於本月25日在世界殯儀館設靈，Kitman說︰「其實好感恩，事關4月尾自己嘅畫展才完成，最後一日，工人打嚟話爸爸氣喘入院，過咗兩日爸爸就走咗，所以覺得爸爸好錫我，如果佢喺我畫展期間走，我就好辛苦。」

撰文︰Pauline

編輯︰梁紹明

設計︰K