千嬅「投訴」被囝囝管到實

楊千嬅、林兆霞及陳逸寧前晚到又一城戲院出席《春嬌救志明》放映討論班活動，千嬅得悉該片港澳票房已錄得逾2,600萬，感謝入場的觀眾。不過囝囝Torres好奇為何媽媽會與余文樂一齊而不是爸爸，令千嬅哭笑不得！

對於影片上映兩周，票房成績已十分理想，千嬅說︰「如果票房破到上集紀錄，我哋可以載歌載舞，導演兩年前已經要陳逸寧及林兆霞練好首《傳說》，佢哋連舞都排埋。（會着戲中護士制服？）大家會以為鬼片，夢想破滅呀！」

提到囝囝Torres可知道她拍《春嬌》，千嬅說︰「佢識講戲名，今日返學喺車上話我同爸爸（丁子高）去睇，但又唔准佢睇，話我哋曳，我就解釋要佢大個啲先可以入場。佢仲問點解我身後係樂哥哥（余文樂），佢覺得應該係爹哋永遠企我後面，如果佢睇完都唔知點解釋，佢依家成日管住我㗎！」千嬅笑言曾向Torres解釋過拍戲是假的，他就認為爸爸同媽咪可以一齊返工拍戲。

陳逸寧禁兒子睇片

至於陳逸寧則表示嚴禁兒子睇《春嬌》，認為始終他年紀太小，加上她在戲中有粗口對白，萬一觀眾很大反應叫好，他誤以為是對的，返學校跟老師講就大件事了。

撰文︰Pauline

編輯︰林梓添

設計︰K