欣宜拍咀戲唔怕秋官尷尬

現時正忙於綵排入行50周年演唱會的鄭少秋（秋官），前晚抽空支持愛女欣宜的新片首映禮，父女相見時欣宜更飛撲過去擁抱對方，她說︰「我知佢排緊演唱會，同佢講抽到時間就嚟啦，無壓力嘅，爸爸就話一定要嚟，個女第一次做女主角喎。（驚爸爸睇到你嘅咀戲？）我大人嚟喇，不過自己睇都尷尬。」

至於秋官被問到欣宜片中有好多親熱戲時，他表示︰「個女都大個，拍戲嘛，角色需要，年輕人要前衞，語不驚人誓不休，睇咗啲片段，做得好自然呀。（接唔接受到欣宜性感演出？）睇下有無本錢啦，性感得來健康就唔怕。佢都大個女，唔係小妹妹，依家仲係女神，好成熟。」