細細粒「喪」遊東京

陳嘉佳（細細粒）早前與好友暢遊東京玩足五日四夜，除了首度到訪當地的迪士尼樂園，又大擦超平海鮮勁爽皮，叉足電回港迎接新挑戰。

早前細細粒聯同好友到東京旅遊，更在當地迪士尼留下不少腳毛，她表示︰「我之前唔知東京迪士尼分樂園及海洋世界，今次我哋去樂園全日只行咗兩、三個館，仲有很多地方未去；同時見到勁多穿校服的學生哥去玩，佢哋爆買紀念品，我就驚行李超重，所以只買咗一盒餅。」

平擦海鮮大滿足

細細粒此行食盡拉麵、壽司、Shabu Shabu及日式燒烤等美食。她更推介一間充滿特色的餐廳︰「間餐廳勁有氣氛，好似有人生日、大時大節，侍應會一齊跳舞，與一般日本安靜地食嘢唔同。」細細垃又指該餐廳的海鮮價格平到笑︰「一碟有六、七隻蟹加埋龍蝦，只係1,100港元，呢個價錢食到呢啲水準真係好抵。」

撰文︰Steven

編輯︰林梓添

設計︰K