寶珠姐難忘仙姐教誨

陳寶珠和梅雪詩（阿嗲）將於七月演出「任白慈善基金」的《蝶影紅梨記》，暫定演出17場，由粵劇名伶白雪仙出任藝術總監。一眾粵劇老倌及好友昨日齊出席記者會，仙姐表示聽覺不太好，但亦盡量回答大家提問，她表示揀這個劇本，因為唐滌生寫得好好，劇本已改咗七次。

問今年88歲的仙姐想演出嗎？她幽默地笑稱︰「你哋唔係嚇我吖嘛，你哋想睇我完蛋呀，我想做但心有餘力不足，你哋知我幾多歲啦。其實自己都在學習中，學無止境，知無不言，言無不盡。」在旁的寶珠姐和阿嗲就賣口乖說師傅是指導。寶珠坦言對演出感到很大壓力，問到她們可曾被仙姐罵過？寶珠即表示︰「鬧先係好，袋錢落你袋，先當你係徒弟。」

台下的劉兆銘主動問仙姐會否出任導演？仙姐則謂︰「到時會畀意見，唔好話台柱，所有兄弟手足，兵、卒、宮女，我見到有問題都會講，因為一台戲唔止主角有戲，每個人都有戲。」

攝影︰林良明