出爐影帝「被搶獎」 家棟想《樹大》班底拍喜劇

電影《樹大招風》在本屆金像獎奪五獎成大贏家，頒獎禮結束後，老闆林建岳率眾演員舉行慶功宴。首奪金像影帝的林家棟春風滿面，同片的任賢齊（小齊）雖然失落影帝，依然風騷。

林家棟前晚到慶功時還很興奮，他說︰「好似一個睇住咁多年林家棟表現嘅成績單。當年決定（在電視台）走出嚟重新嘗試，媽咪同親戚都畀好多鼓勵說話，所以要做啲成績。」他又表示，契媽夏萍姐曾擔心他離開電視台後條路很難行，但家棟不覺得有壓力，反而認為她錫自己才這樣講，他續稱︰「唔可能一、兩句說話就停下來，我相信做演員其實好虛無，但希望一直演下去。」

小齊與家棟合照時，小齊忽然扮搶對方的獎項，小齊笑言︰「放喺我屋企，借一個月。小春身在匈牙利都有傳短訊叫我哋加油，好感動。」有指他接拍《樹大》時零片酬，小齊亦坦言不知最後可有片酬落袋，「吓！無呀？咁可能會蝕錢喎！杜琪峯一話拍，我身在第二度都飛返嚟！多謝佢令我由歌手轉型演員。」家棟聞言後笑謂︰「我自己有喎，點解咁蠢嘅？其實都講咗畀番車馬費，我信杜琪峯，同三個新導演識咗十幾年，佢哋好認真，已經唔係用錢去衡量，或者下次同小齊、小春呢個組合拍一部喜劇都唔錯。」

小齊有意參與編劇

另外，問到小齊在公布影帝時，最初只說了電影名心情是否很緊張？小齊說︰「無諗咁多，每個演員入圍都係好戲，有得坐喺度參與好開心。」小齊又透露現時手上有幾個劇本，亦會參與監製及編劇，看看是否再做導演。他希望有朝一日做到好似曾志偉，能拍不同題材的電影，亦希望自己囝囝似曾國祥做到導演。

採訪︰Pauline

編輯︰林梓添

設計︰梁政敏