超蓮封盤年半未嫌dry

賭王何鴻燊千金的感情生活向來備受關注，前晚三房的超蓮和四房的超盈一齊出席馬來西亞富商陳志遠女兒陳雪鈴舉辦的網購平台活動，兩位千金都表示目前感情空白，卻又不急於拍拖。

何超蓮在活動中自言不愛出街購物，更爆服裝都是由家姐何超雲幫手揀。她說︰「家姐揀嘢好叻，我啲衫都係佢揀，佢成日話我買錯嘢。因為本身比較男仔頭，出街唔鍾意着裙，頭髮散晒咁，好boyish。」提到胞弟猷啟與外籍女模Angelika同居，超蓮表示︰「佢喺屋企，佢女友都有嚟，成日見面食飯，幾好。（幾時到你帶男仔返屋企？）唔使咁快，媽咪覺得我單身幾好，少啲緋聞。（多人追？）唔想拍拖，就快26歲，（封盤幾耐？）年半啦，不過唔dry，反而多啲時間陪家人，亦想認真工作，依家準備讀碩士。」

超盈講錢唔講心

另外，超盈被問到感情生活，她直言沒有男友，也沒有時間拍拖，現階段希望在工作上搏殺，笑言︰「講生意多過講感情，講錢唔講心。（唔怕女強人形象嚇走追求者？）如果我係女強人就唔會着到咁，係好潮嘅女強人，所以無人覺得我係女強人。」

撰文︰Pauline

編輯︰林梓添

設計︰K