顏卓靈拍MV慘被雪封嘴

顏卓靈（Cherry）最近遠赴日本為新歌《閃光》拍攝MV，由於在當地遇上大風雪，令拍攝進度受到影響，Cherry更在雪地上被冰封唇兼生吞風雪。

為抵擋寒冷天氣，Cherry事前全身也貼滿保暖包，不過當她瞓在雪地上拍攝，即時被凍僵，即使返酒店冲了多次熱水涼也於事無補，她笑說︰「啲雪四方八面咁吹埋來，眼耳口鼻都入晒雪，嘴唇好似冰封咁，要用條脷舔下啲雪先溶，又要喺雪地跑，仲要顧住個樣要靚，好忙呀！」今次MV還邀請了一位可愛小妹妹客串演出，她覺得小妹妹的衣服比自己更單薄，可能又凍又緊張，令小妹妹忍不住喊了數次。