拍新劇谷到盡 袁偉豪騷肌兼露股

袁偉豪（Ben）多年來一直keep得住健碩身材，最近拍新劇《使徒行者2》，監製盡情讓他騷肌之餘，Ben更自爆有場戲要露股，不過同劇的黃翠如就唔話恨睇。

黃翠如、袁偉豪及苗僑偉等前晚出席新劇《使徒行者2》煞科宴。袁偉豪在劇中有不少騷肌鏡頭，他自爆還有除剩底褲在街上跑，最激要露股，他打趣說︰「乜都除晒，唔露無嘢撈呀！嗰場戲要救翠如，都已經除剩底褲，我同導演提議唔爭在除埋（底褲）先有喜劇效果，pat pat見晒㗎。」

拍外景吃盡美食

在旁的翠如笑指袁偉豪益街坊，她笑說︰「嗰場戲啲女工作人員睇到好興奮，叫晒話『好白』呀。我就睇得太多，覺得好悶，袁偉豪係全劇最性感嘅演員，我唔敢露啦，怕被比下去呀。」問翠如有否想男友蕭正楠學袁偉豪般爆肌？她笑說︰「佢好難，大家市場唔同。」

苗僑偉（三哥）與一班演員相處了幾個月，如今劇集煞科，他可會不捨得？三哥表示︰「套劇拍咗五個月，大家相處好融洽。」三哥提到之前眾人齊到泰國拍外景時，經常外出嘗盡地道美食，相當有口福。

三哥又透露稍後將拍無綫另一套合拍劇《飛虎極戰》，與黃宗澤及吳卓羲等合作，三哥說現時正為新劇跑步操弗做準備，他笑說︰「不過我唔係做飛虎，我做O記，飛虎留番畀啲後生仔啦，佢哋都已經操得好犀利。」

撰文︰Pauline

編輯︰林梓添

設計︰K