黃宗澤拍《溏心3》享盡艷福

黃宗澤（Bosco）、夏雨、李司棋、鄭希怡（Yumiko）及黃翠如等，昨日出席台慶劇《溏心風暴3》開鏡拜神，Bosco在劇中有無數女伴，更有不少激情戲，唯獨與人母Yumiko的調情戲點到即止。他謂︰「因為佢（Yumiko）要做好榜樣畀小朋友睇！」

黃宗澤透露日前與身材出眾的陳偉琪拍親熱戲，大讚對方敬業︰「因為陳偉琪身上膠紙穿崩，所以佢只除剩nude bra！我都好尷尬，視綫唔敢向下。不過我同Yumiko嘅戲冇咁誇張，只會喺耳邊吹氣同咬耳仔。」

馮盈盈放低港姐形象

除了Yumiko及陳偉琪，Bosco笑言連應屆港姐冠軍馮盈盈亦有挑逗他，身旁的Yumiko忍不住笑說︰「其實部劇係咪你有份投資？」Yumiko自言做了媽媽後，拍性感戲更加沒有包袱，「可以畀個女睇下媽咪有幾靚。」

首次拍劇的馮盈盈笑言仍未拍激情戲，但擔心到時變成喜劇效果。「做專業演員，唔單止港姐形象，我要連自己都放低，努力融入角色。」她大讚Bosco如哥哥般照顧大家，即使上演挑逗戲，自己也不會尷尬。

撰文︰李潔盈

編輯︰陳禮恒

設計︰招潤洪