張彥博化身校園萬人迷

《一屋老友記》的「細寶」張彥博（阿博）早前到馬鞍山某中學唱校園騷，現場氣氛熱烈，學生哥們更爭相向這位童顏歌手「集郵」，阿博如同巨星一樣，就連其老闆王祖藍也為他度身訂造網絡電影《矮仔多情2》，助阿博進軍影圈成為他的接班人！

對於到校園出騷，阿博說︰「我好耐無做過校園騷，對我嚟講好有回憶，同時亦可以幫我叉電，因為可以將自己最簡單嘅表演拎出嚟！」阿博不諱言校園騷與商業騷有很大分別，不過今次令他好像回到學生時代。他笑言︰「其實我從來都覺得自己依然係學生，每次到學校禮堂都有種特別感覺，好享受校園嘅每個表演。」

祖藍打造「矮仔接班人」

他自爆學生時代是一名活躍但內斂的年輕人，想玩但又好怕醜。對於當初如何解決如此複雜的情緒，阿博笑言︰「真係好驚，上到台會腳震，主要解決辦法都係唔好諗咁多，專注玩音樂。」談及未來動向，阿博希望達成年尾開個唱的心願。

此外，其所屬公司手工藝創作日前宣布與電影公司美亞淘夢聯手，為他度身訂造網絡電影《矮仔多情2》（暫名），打造成為矮仔接班人。據知祖藍覺得阿博純情兼形象入屋，加上自己已為人夫，是時候找一個接班人。

撰文︰Steven

編輯︰林梓添

設計︰K