弟婦熊黛林恨生仔 郭可盈︰急唔嚟

郭可盈近年幾乎絕迹幕前，昨日她以校友身份返母校玫瑰崗參加奧比斯「蒙眼午餐」活動。談到弟婦熊黛林出到聲恨生仔，可盈寄語對方，生育之事急不來，一切由上天安排。

熊黛林（Lynn）開到口恨生B，還緊張到睇中醫調理身體，可盈笑言︰「佢好心急！我哋全家唔會畀壓力佢，唔好成日諗，自然啲，right timing個天就會畀你，結婚唔係好耐，唔使急啦。」那她可有向Lynn傳授生B秘方？可盈強調這些事順其自然就好，最緊要調理好身體。可盈女兒已升讀小學，又會否考慮為老公林文龍添多個？她不諱言現在女兒已七歲，與老公商量過，認為不刻意更好。

為湊女拒復出拍劇

她又透露目前會將全副精神集中去湊女，不過最令可盈感到欣慰的是，母女間的關係好穩固，她每日都很享受與女兒傾偈，不過提到復出一事，她笑言睇戲癮就有，拍戲就不會考慮了，更透露間中都有內地劇斟她演出，但有感拍劇時間長，會減少與女兒相處時間，她笑說︰「同老公有共識，佢出外工作，我就專心湊女。」

撰文︰Pauline

編輯︰林梓添

設計︰K