配合舊公司宣傳 克勤︰分手都可以係朋友

李克勤昨日聯同亞洲各地歌手，出席「香港亞洲流行音樂節2017」發布會，提到舊公司環球近日為克勤推出精選碟，已轉投英皇的他大方指可協助宣傳︰「通常精選碟睇準新碟同步出，但舊公司話等唔切我新碟，我話若果配合到，我可以幫手。」

克勤昨日與陳明憙、韓國組合B1A4、內地歌手蔣敦豪等出席發布會，音樂節於今晚舉行，代表香港任表演嘉賓的克勤壓軸上台，他笑言因自己是眾人中最年長，才最後上台發言，他更趁機賣廣告，邀請各地歌手到他開設的雲吞麵店免費任食。

升呢「國際勤」

提到克勤近年不時參加內地歌唱節目，升呢做「國際勤」，他笑說︰「唔好咁講，我代表到香港好開心，今次未能夠同其他歌手合作，惟有盡地主之誼，介紹特色美食。」他透露大會邀請他獻唱過往20年的經典金曲，「我將《高妹》、《左右手》、《終身美麗》及《我的驕傲》等歌曲，串連成一首十多分鐘的串燒歌。」

撰文︰李潔盈

編輯︰林梓添

設計︰梁政敏