《拆彈專家》記招 導演爆華仔有「靠山」先坐到

斥資1.8億製作、劉德華監製兼主演的電影《拆彈專家》將於4月20日上映，眾演員昨日到會展出席發布會，華仔因傷缺席，而導演邱禮濤則大爆華仔現時要靠牆而坐，否則腰骨會痛。

《拆彈專家》導演邱禮濤聯同演員姜皓文、吳卓羲、蔡瀚億（BabyJohn）、石修及駱應鈞，昨日現身國際影視展發布會，在現場播出的「紅隧是如何建成」片段中，見到花了兩個月搭建、像真度極高的「紅隧」。戲中飾演「爆炸品處理課」高級督察的華仔，在短片中表示搭建紅隧時遇上一定的難度，因為需要有足夠的地方、長度同電腦特技的配合。華仔說︰「拍攝時好難喺管道內拍到車水馬龍的畫面，需要導演豐富的想像力，喺裏面處理同分流，每日需要幾百部車不停操練來回，係一個好苦悶的工作。」

戥華仔辛苦

發布會上，邱禮濤導演分享跟華仔合作的感受，跟華仔相識30年的邱禮濤，在華仔出院後曾前往探望，他表示對方傷勢還未痊癒︰「佢無嘢依靠唔可以坐，希望佢百分百完全康復，祝佢早日跑跑跳跳、談談笑笑。」

此外，正留家休養的華仔不希望令其受傷的飲品廣告被抽起，堅持該廣告如期三月底推出；至於其年尾的20場紅館騷亦有意照做。

撰文︰倪小珊

編輯︰黃寶恩

設計︰梁政敏