《貪狼》打鬥連場 古仔未敢挑機宇宙最強

由葉偉信執導、洪金寶擔任動作導演的新片《貪狼》，昨日舉行全球發布會，主角古天樂、Tony Jaa及林家棟等都有出席，古仔直言沒想過要參與咁多打鬥場面。

發布會開始，司儀李浩林邀請四位動作演員Tony Jaa、吳樾、Chris Collins及盧惠光上台介紹角色，幾位演員其後即席大顯功架，Tony Jaa以泰文表演Hip Hop，贏盡掌聲。之後輪到古天樂、林家棟上台，司儀再叫他們表演，古仔即謂︰「咪玩啦！晨早流流！」

家棟在片中飾演醫生，他自爆只有一句廣東話，其餘均為泰文對白，「埋位前不停背，呢次真係大考驗。」家棟直言要應付大量泰文不容易，而且發音近似廣東話粗口，每次講對白，全場工作人員都忍俊不禁。

九成動作戲親身上陣

影片於曼谷、芭堤雅及香港取景，古仔形容今次是他從影以來打得最多的一次。「九成戲都要打，通常一次同一個對打，最多係四個，都幾吃力。」他強調只是一些翻騰動作由替身代勞，九成以上動作戲都親身上陣。他又說單是多場對打戲已拍足一星期，少不免有皮外傷，可幸沒有嚴重受傷。

問他可有興趣做功夫影星？古仔表示做藝人甚麼都嘗試，今次經驗十分難忘。記者笑問他可以挑戰「宇宙最強」甄子丹，古仔即瞪大眼謂︰「唔得！我最多同時一個打四個，佢一打十喎！（覺得洪金寶大哥整蠱你？）拍完一個shot，我都有睇片，眼珠都跌出嚟，唔相信自己做得到。」

採訪︰Pauline

攝影︰林良明

編輯︰陳禮恒

設計︰梁政敏